ᓄᓇᕗᒻᒥ ᑲᒥᓯᓇᐅᑉ ᖁᙱᐊᖅᑎᑦᑎᕙᖕᓂᕐᒧᑦ ᑐᓐᓂᖅᑯᑕᐅᕙᒃᑐᓄᑦ
ᒪᓕᒃᑕᐅᕙᒃᑐᑦ ᑲᔪᓯᔾᔪᑕᐅᕙᒃᑐᓪᓗ

ᓄᓇᕗᑦ ᑲᒥᓯᓇᒥᒃ ᓴᓇᑐᔪᓄᑦ ᑐᓂᐅᓯᐊᖑᕙᑦᑐᖅ ᓴᖅᑭᖅᑕᐅᓯᒪᔪᖅ ᐋᓐ ᒥᑭᑦᔪᒃ ᕼᐊᓐᓴᓐ,ᓄᓇᕗᒻᒥ ᑲᒥᓯᓇ ᐃᓕᓴᖅᓯᖃᑦᑕᕈᒪᓪᓗᓂ ᓄᓇᕗᒻᒥ ᐱᔪᓐᓇᕐᓂᖅᐹᖏᓐᓂᒃ ᑕᑯᔭᑦᓴᓂᒃᓴᓇᙳᐊᐸᑦᑐᓂᒃ.

ᑖᓐᓇ ᑐᓐᓂᖅᑯᑕᐅᕙᒃᑐᖅ ᐅᔾᔨᕐᓇᖅᑐᒻᒪᕆᖕᒧᑦ ᐱᑎᑦᑎᖃᑦᑕᕐᓂᕐᒧᑦ ᖁᙱᐊᖅᑎᑦᑎᕙᖕᓂᕐᒥᒃ ᑐᓐᓂᖅᑯᑕᐅᖃᑦᑕᕐᓂᐊᖅᐳᖅ ᐃᓄᖕᒧᑦ ᐊᑕᐅᓯᕐᒧᑦ $10,000.00-ᑖᖅᑎᑕᐅᕙᒡᓗᓂ.

ᐊᔪᖅᑎᑕᐅᙱᑦᑐᑦ

ᐱᑖᖅᑎᑕᐅᖁᔭᐅᔪᑦ ᓄᓇᕗᒻᒥᐅᑕᐅᔭᕆᐊᖃᖅᐳᑦ. ᐱᑎᑕᐅᖁᔭᐅᔪᒪᓗᓂ ᑕᐃᒪᐃᑦᑐᒥᒃ, ᐱᑎᑕᐅᖁᔭᐅᔪᑦ ᐊᖏᔪᒻᒪᕆᖕᒥᒃ ᐅᔾᔨᕐᓇᑦᑎᐊᖅᑐᒥᒡᓗ ᐃᑲᔪᕐᓂᖃᖃᑦᑕᕆᐊᖃᖅᓯᒪᕗᑦ ᖁᙱᐊᖅᑎᑦᑎᕙᖕᓂᕐᒧᑦ ᐱᓕᕆᐊᖑᕙᒃᑐᓄᑦ ᐅᔾᔨᕐᓇᖅᑐᒻᒪᕆᒃᑯᑦ ᐊᕗᖓᑲᓪᓚᒃ ᐱᕕᒃᓴᒃᑯᑦ

ᐃᓄᐃᑦ ᑐᓐᓂᖅᑯᓯᐊᕈᓐᓇᖅᐳᑦ ᑖᔅᓱᒥᖓ ᑐᓐᓂᖅᑯᑕᐅᕙᒃᑐᒥᒃ ᐊᑕᐅᓯᐊᑐᓐᓇᕐᓗᑎᒃ.

ᑕᐃᒪᐃᑦᑐᖅᑖᖁᔨᓂᕐᒧᑦ ᐱᓕᕆᐊᖑᕙᒃᑐᑦ

• ᑕᐃᒪᐃᑦᑐᖅᑖᖁᔭᐅᔪᑦ ᐃᑲᔪᖅᑐᖅᑕᐅᔭᕆᐊᖃᖅᐳᑦ ᐱᖓᓱᓂᑦ ᐃᓄᑐᐃᓐᓇᕐᓂᑦ ᑲᑐᔾᔨᖃᑎᒌᓂᓪᓘᓐᓃᑦ.
• ᑕᐃᒪᐃᑦᑐᖅᑖᖁᔨᔪᑦ ᑲᒪᒋᔭᒃᓴᖃᖅᑎᑕᐅᕗᑦ ᐱᑎᑦᑎᓇᔭᕐᓂᕐᒥᒃ ᐃᑲᔪᖅᑐᐃᔪᓂᒃ ᑎᑎᕋᖅᓯᒪᔪᓂᒃ ᐅᓪᓗᐊ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ.

ᐃᑲᔪᖅᑐᐃᔪᑦ ᑎᑎᕋᖅᑕᐅᓯᒪᔪᑦ

ᐃᑲᔪᖅᑐᐃᔪᑦ ᑎᑎᕋᖅᑕᐅᓯᒪᔪᑦ, ᐃᓚᒋᔭᐅᓪᓗᑎᒃ ᐃᔪᖅᑐᐃᔪᖅ ᑎᑎᕋᖅᑕᐅᔪᑦ, ᐱᒻᒪᕆᐊᓘᕗᑦ ᑕᐃᒪᐃᑦᑐᖅᑖᖁᔨᓂᕐᒧᑦ ᓵᓚᖃᖅᑎᑦᑎᕙᖕᓂᕐᒧᓪᓗ ᐱᓕᕆᐊᖑᕙᒃᑐᒥ. ᐅᑯᐊ ᐃᑲᔪᖅᑐᐃᔪᑦ ᑎᑎᕋᖅᓯᒪᔪᑦ ᐱᔭᐅᔭᕆᐊᖃᕋᔭᖅᑐᑦ:

1. ᐃᑲᔪᖅᑐᐃᔪᒥᒃ ᑎᑎᕋᖅᓯᒪᔪᒥᒃ ᑕᒪᐃᓐᓂᑦ ᑕᐃᒪᐃᑦᑐᖅᑖᖁᔨᔪᓂᑦ. ᑖᒃᑯᐊ ᑎᑎᖅᑲᑦ ᐃᓚᓯᒪᔭᕆᐊᖃᖅᐳᑦᐊᑎᖓᓂᒃ, ᐊᑕᖏᕐᓗᒍ ᑐᕌᕈᑖᓂᒃ, ᐅᖄᓚᐅᑖᓂᒃ, ᓱᒃᑲᔪᒃᑯᑦ ᓈᓴᐅᑖᓂᒃ ᖃᕆᑕᐅᔭᒃᑯᓪᓗᑎᑎᕋᖃᑦᑕᐅᑎᕝᕕᒃᑯᑦ ᑐᕌᕈᑖᓂᒃ ᑕᒪᐃᑕ ᐊᑐᓂ ᑕᐃᒪᐃᑦᑐᖅᑖᖁᔨᓯᒪᔪᑦ.
2. ᓇᐃᑦᑐᒥᒃ ᐅᓂᒃᑲᐅᓯᕆᐊᕐᔪᒡᓗᒋᑦ ᑕᐃᒪᐃᑦᑐᖅᑖᖅᑎᑕᐅᖁᔭᐅᔫᑉ ᐃᑲᔪᕐᓂᕆᖃᑦᑕᖅᓯᒪᓂᖏᑦ ᖁᙱᐊᖅᑎᑦᑎᓂᕐᒧᑦ ᐱᓕᕆᓂᐅᕙᒃᑐᓄᑦ ᖃᓄᐃᒻᒪᓪᓗ ᑖᓐᓇ ᑕᐃᒪᐃᑦᑐᖅᑖᖁᔭᐅᓯᒪᔪᖅ ᑕᐃᒪᐃᑦᑐᒥᒃ ᐱᔭᕆᐊᖃᕐᒪᖔᑦ.
3. ᑐᓴᒐᒃᓴᐃᑦ ᑕᐃᒪᐃᑦᑐᖅᑖᖁᔭᐅᔫᑉ ᒥᒃᓵᓄᑦ;
   • ᑕᐃᒪᐃᑦᑐᖅᑖᖁᔭᐅᔫᑉ ᐱᓕᕆᓂᕆᕙᒃᑕᖓ ᖃᓄᕆᑦᑑᖕᒪᖔᓪᓘᓐᓃᑦ ᐱᓕᕆᐊᕆᕙᒃᑕᖓ ᖁᙱᐊᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂ
   • ᐅᓪᓗᒥ ᐊᖑᒻᒪᑎᔪᒧᑦ ᐃᓕᓐᓂᐊᖅᓯᒪᓂᖏᑦ ᑭᓱᓕᕆᖃᑦᑕᖅᓯᒪᓂᖏᓪᓗ
   • ᑕᐃᒪᐃᑦᑐᖅᑖᖁᔭᐅᔫᑉ ᐃᓚᑰᙱᑦᑎᐊᕐᓗᑎᒃ ᐊᖏᕐᕋᖓᑕ ᑎᑎᕋᕐᕕᖓᑕᓗ ᑐᕌᕈᑎᖏᒃ, ᐅᖄᓚᐅᑎᖏᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑯᑦ ᑐᕌᕈᑖ
   • ᓇᓗᓇᐃᖅᓯᓪᓚᕆᒃᑐᒥᒃ ᑕᐃᒪᐃᑦᑐᖅᑖᖁᔭᐅᔫᑉ ᑕᒫᓂᕐᒥᐅᑕᐅᓂᖓᓂᒃ
4. ᑎᑎᕋᕐᕕᒋᔭᖓ ᑲᒥᓯᓇᐅᑉ ᓂᕈᐊᖅᓯᓂᕐᒧᓪᓗ ᑲᑎᒪᔨᕋᓛᑦ ᑲᒪᒋᔭᒃᓴᖃᖅᐸᙱᓚᑦ ᖃᓄᑐᐃᓐᓇ ᐊᓯᐅᔨᔭᐅᔪᓄᑦ ᓱᕋᒃᑐᓄᓪᓘᓐᓃᑦ ᐃᑲᔪᖅᑐᐃᔪᓂ ᐱᖁᑎᒋᔭᐅᔪᓂ.

ᑕᐃᒪᐃᑦᑐᖅᑖᖁᔨᔾᔪᑏᑦ ᐅᑯᓄᖓ ᑐᓐᓂᖅᑯᑕᐅᔭᕆᐊᖃᖅᐳᑦ: ᓇᓗᓇᐃᔭᖅᓯᒪᔪᒧᑦ ᑕᐃᒪᐃᑦᑐᖅᑖᖁᔨᓂᕐᒧᑦ ᑎᑎᕋᖅᑕᐅᕙᒃᑐᓄᑦ ᑕᐃᒪᐃᑦᑐᖅᑖᖁᔨᓂᕐᒧᑦ ᑎᑎᕋᖅᑕᐅᕙᒃᑐᑦ ᒪᓂᒪᑎᑕᐅᒋᕗᑦᑕᐅᖅ ᑲᒥᓯᓇᐅᒃ ᐃᑭᐊᖅᑭᕕᖓᓂ ᐅᖄᓚᔪᖃᕐᓗᓂᓘᓐᓃᑦ ᑲᒥᓯᓇᐅᑉ ᑎᑎᕋᕐᕕᖓᓄᑦ ᐅᕗᖓ (867) 975-5120.

ᖃᐅᔨᑎᑦᑎᓂᖅ ᖃᓄᐃᓕᖓᓂᐊᓕᖅᑐᓂᒃ

ᑲᒥᓯᓇᒋᔭᐅᔪᖅ ᖃᐅᔨᒃᑲᐃᖃᑦᑕᕐᓂᐊᖅᐳᖅ ᐱᑎᑕᐅᔪᒃᓴᓂᒃ ᑎᑎᕋᖅᓯᒪᔪᒃᑯᑦ ᑕᖅᑭᐸᓗᖕᒥᒃ ᑐᓂᓯᔪᖃᓚᐅᙱᓐᓂᖓᓂ ᑖᔅᓱᒥᖓ ᑐᓐᓂᖅᑯᓯᐊᖑᕙᒃᑐᒥᒃ. ᖃᓄᐃᓕᖓᑎᑕᐅᓕᖅᑐᑦ ᑐᓴᖅᑎᑦᑎᔾᔪᑕᐅᕙᙱᓚᑦ ᐅᖄᓚᐅᑎᒃᑯᑦ. ᐱᑎᑕᐅᔪᒃᓴᐃᑦ ᐊᖏᖅᓯᒪᔭᕆᐊᖃᖅᐳᑦ ᐱᕕᒃᓴᖃᖅᑎᑦᑎᔪᓐᓇᕐᓗᑎᒃ ᐊᔾᔨᙳᐊᒥᓂᒃ ᑭᒃᑯᑐᐃᓐᓇᓄᓪᓗ ᑐᓴᖅᑕᐅᔪᒃᓴᖁᑎᒥᓂᒃ ᐊᑐᖅᑕᐅᔪᓐᓇᖅᑎᓪᓗᒋᑦ ᐅᔾᔨᕐᓇᖅᓯᑎᑦᑎᔾᔪᑕᐅᓗᑎᒃ ᑐᓐᓂᖅᑯᑕᐅᕙᒃᑐᒥᒃ ᐊᓯᖏᓐᓄᓪᓗ ᐅᔾᔨᕐᓇᖅᓯᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ ᑲᒥᓯᓇᐅᑉ ᑎᑎᕋᕐᕕᐊᓂ. ᐱᑎᑕᐅᔪᒃᓴᐃᑦ ᐊᖏᖅᓯᒪᔭᕆᐊᖃᕆᕗᑦ ᐃᓚᐅᓂᕐᒧᑦ ᑕᒪᐃᓐᓄᑦ ᑐᓐᓂᖅᑯᑕᐅᔪᓄᑦ ᐱᓕᕆᐊᖑᕝᕕᐅᔪᓄᑦ, ᐃᓚᒋᔭᐅᓗᑎᒃ ᖁᕕᐊᓱᖃᑎᒌᖕᓂᕐᒧᑦ ᑐᓐᓂᖅᑯᓯᐊᖅᑐᖃᕐᓂᖓᓄᑦ, ᐱᕙᓪᓕᐊᔪᓄᑦ ᑲᑎᒪᕐᔪᐊᕐᓂᕆᔭᐅᔪᓄᑦ, ᐊᓯᖏᓐᓄᓪᓗ ᐊᒃᑐᐊᓂᓕᖕᓄᑦ ᐱᓕᕆᐊᖑᔪᓄᑦ.

ᓂᕈᐊᖅᓯᓂᕐᒧᑦ ᑲᔪᓯᕙᓪᓕᐊᓂᖅ

ᓂᕈᐊᖅᓯᓂᖅ ᑐᙵᕕᖃᖅᑎᑕᐅᓂᐊᖅᐳᖅ ᐅᑯᓄᖓ ᐊᑐᖅᑕᐅᕙᒃᑐᓄᑦ:

• ᐊᓂᒍᖅᑎᖃᑦᑕᖅᓯᒪᔭᖏᓐᓄᑦ
• ᐃᑲᔪᕐᓂᕆᖃᑦᑕᖅᓯᒪᔭᖏᓐᓄᑦ
• ᐱᐅᓂᖏᓐᓄᑦ / ᖃᓄᖅ ᐊᒃᑐᖅᓯᓂᖏᓐᓄᑦ ᐱᓕᕆᐊᕆᔭᖏᑦ

ᑐᓐᓂᖅᑯᑕᐅᔪᖅ ᐅᑯᖕᓂᖓᐅᓂᐊᖅᐳᖅ:

• ᐊᕙᓗᓕᖅᓯᒪᔪᒥᒃ ᓇᓗᓇᐃᒃᑯᑕᕐᒥᒃ
• ᑮᓇᐅᔭᒃᓴᒥᒃ $10,000.00-ᐅᓗᓂ

ᖃᐅᔨᒋᐊᕐᕕᒋᑎᒍᑦ ᑲᒥᓯᓇᐅᑉ ᑎᑎᕋᕐᕕᐊᓂ ᐅᕗᖓ:

ᑎᑎᕋᑎᒎᖅᑎᑦᑎᔪᒪᔪᖃᖅᐸᑦ, ᐅᕗᖓ ᐊᐅᓪᓚᖅᑎᓪᓗᒍ:
ᑲᒥᓯᓇᐅᑉ ᑎᑎᕋᕐᕕᖓ ᑎᑎᖅᑲᒃᑯᕕᐊ 2379
ᐃᖃᓗᐃᑦ, ᓄᓇᕗᑦ X0A 0H0
ᐅᖃᓘᑦ: 867-975-5120
ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: nunavutcommissioner@gov.nu.ca