ᐅᓂᒃᑲᐅᓯᐅᓂᖓ ᑭᓱᓂᒡᓗ ᐱᔾᔪᑎᖃᖅᑎᑕᐅᖕᒪᖔ
ᑲᑭᖅᑯᐊᖅ
ᕿᑎᐊᓂ ᑕᓗᐊᖑᕗᖅ ᓄᓇᕗᒻᒥᒃ ᐃᓂᒋᔭᐅᔪᒥᒃ ᓇᓗᓇᐃᖅᓯᓪᓗᓂ. ᑖᓐᓇ ᑕᓗᐊᖅ ᐊᖕᒪᓗᖅᐳᖅ. ᑕᑯᒃᓴᐅᓪᓗᐊᑕᕐᓂᖓ ᖁᖅᓱᖅᐳᖅ, ᖁᓪᓕᙳᐊᖅᑕᖃᖅᖢᓂ ᕿᕐᓂᖅᑕᒥᒃ, ᑖᓐᓇᓘᓐᓃᑦ ᓇᑦᑎᐅᑉ ᐅᖅᓱᐊᓂᒃ ᐅᖅᓱᖃᖅᓗᓂ ᓇᓂᕉᑦ, ᐃᑯᒪᖃᖅᖢᓂ ᐊᐅᐸᑦᑐᓂᒃ (ᑕᐅᑐᒃᑑᑉ) ᓴᐅᒥᐊᓂ, ᐃᓄᒃᓱᒐᙳᐊᖅᑕᖃᖅᖢᓂ ᑐᖑᔪᖅᑐᒥᒃ ᑕᓕᖅᐱᐊᓂ. ᖁᓛᓃᑦᑐᖅ ᐱᖓᔪᐊ ᑐᖑᔪᖅᖢᓂ ᑕᓪᓕᒪᓂᒃ ᖁᖅᓱᖅᑐᓂᒃ ᐊᖕᒪᓗᖅᑐᓂᒃ ᐊᒻᒧᒃᐸᓪᓕᐊᙳᐊᖅᑐᖃᖅᖢᓂ ᐊᖕᒪᓗᖅᓯᓯᒪᑲᓴᒃᖢᑎᒃ ᕿᑎᐊᓄᙵᐅᕙᓪᓕᐊᓪᓗᑎᒃ, ᕿᑎᐊᓃᑦᑐᖅ ᐊᖕᒪᓗᖅᑐᖅ ᓇᑉᐸᐃᓐᓇᖓ ᑕᑯᒃᓴᐅᓪᓗᓂ. ᖁᓛᓂ ᖁᖅᓱᖅᑐᒥᒃ ᐅᓪᓗᕆᐊᙳᐊᖅᑕᖃᖅᖢᓂ. ᖁᓛᓂ ᑭᒡᓕᐊᓃᑦᑐᖃᖅᖢᓂ ᓇᓗᓇᐃᒃᑯᑕᕐᒥᒃ ᓄᓇᕗᒻᒧᑦ, ᓇᓗᓇᐃᒃᑯᑕᐅᓪᓗᓂ-ᐊᖕᒪᓗᑲᓴᐅᔭᖅᖢᓂ ᖃᐅᓪᓗᖅᖢᓂ ᑐᖑᔪᖅᖢᓂᓗ ᑕᕝᕙᓂᓗ ᐃᒡᓗᙳᐊᖅᑕᖃᖅᖢᓂ ᖃᐅᓪᓗᖅᑐᒥᒃ ᐃᓯᕐᕕᐊᑕᓗ ᖁᓛᒍᑦ ᖁᖅᓱᖅᑐᒥᒃ ᐃᒐᓛᙳᐊᖃᖅᖢᓂ, ᑖᔅᓱᒪᓗ ᐃᒡᓗᙳᐊᑉ ᖁᓛᓂ ᑯᐃᓐ ᑯᐃᓐ-ᖑᓂᕐᒥᓄᑦ ᓇᓴᕆᕙᒃᑕᖓᓂᒃ ᐱᑕᖃᖅᖢᓂ. ᐊᕙᑖᓂ ᐃᒡᓗᒌᖕᓂᒃ ᑖᔅᓱᒪ ᐊᕙᓘᑉ ᐅᖃᐅᔭᙳᐊᖅᑕᖃᖅᐳᖅ ᑖᒃᑯᐊᒃ ᖁᖅᓱᖅᖢᑎᒃ, ᑕᒪᐃᑕ ᐃᓱᕈᑕᖏᑦ ᐃᓪᓕᕆᓯᒪᓪᓗᑎᒃ ᐊᐅᐱᓚᑦᑐᙳᐊᓂᒃ ᑖᒃᑯᐊ ᑕᖅᓴᓪᓚᑦᑖᖏᓐᓂᒃ ᑕᖅᓯᖅᓯᒪᓪᓗᑎᒃ.
ᑖᓐᓇ ᑲᑭᖅᑯᐊᖅ ᒪᓕᒃᐳᖅ ᐊᓯᖏᓐᓂᒃ ᑲᑭᖅᑯᐊᑦ ᑕᐅᑦᑐᒋᕙᒃᑕᖏᓐᓂᒃ, ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐅᑭᐅᖅᑕᖅᑐᒥᓗ ᐊᕕᒃᑐᖅᓯᒪᓂᐅᔪᓂ ᓇᓗᓇᐃᒃᑯᑕᕆᔭᐅᔪᑦ ᐊᕙᓗᔭᐅᓯᒪᕙᒃᖢᑎᒃ ᐅᖃᐅᔭᙳᐊᓂᑦ, ᐃᓚᖃᖅᖢᓂ ᐊᑐᖅᑕᐅᕙᒃᑐᓂᒃ ᐊᓯᑦᑎᓐᓂᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᐅᔪᓂᑦ, ᐅᑭᐅᖅᑕᖅᑐᒥ ᐊᕕᒃᓯᒪᓂᐅᔪᒥ ᓄᓇᕋᙳᐊᖏᓐᓂᒃ ᓇᓗᓇᐃᒃᑯᑕᖓᓂᒡᓗ.