ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
ᕼᐊᓚᓐ ᒪᒪᔭᐅᖅ ᒪᒃᕼᐋᒐᖅ
ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
1999-ᒥᑦ 2000-ᒧᑦ
ᕼᐊᓚᓐ ᒪᒃᕼᐋᒐᖅ ᓯᕗᓪᓕᖅᐹᑦᑎᐊᖑᓪᓗᓂ ᑲᒥᓯᓇᙳᖅᑎᑕᐅᓚᐅᖅᓯᒪᔪᖅ ᓄᓇᕗᒻᒥᐅᓄᑦ ᒫᔾᔨ 31, 1999-ᖑᑎᓪᓗᒍ ᑲᒥᓯᓇᐅᓪᓗᓂᓗ ᒫᔾᔨ 31, 2000-ᖑᕋᓱᖕᓂᖓᓂ. ᓯᕗᓂᐊᒍᓪᓗ, 1992-ᒥᑦ 1999-ᖑᕋᓱᖕᓂᖓᓄᑦ, ᑲᒥᓯᓇᐅᑉ ᑐᒡᓕᕆᓚᐅᖅᓯᒪᔭᖓᑦ ᑲᒥᓯᓇᒋᔭᐅᓚᐅᖅᖢᓂᓗ ᓄᓇᑦᑎᐊᒥᐅᓄᑦ. ᕼᐊᓚᓐ ᓯᕗᓪᓕᖅᐹᖑᓪᓗᓂ ᐊᕐᓇᐅᓪᓗᓂ ᓯᕗᓪᓕᖅᐹᖑᓪᓗᓂ ᐃᓅᓪᓗᓂ ᑖᒃᑯᖕᓂᖓ ᐃᓂᓂᒃ ᐃᓂᖃᓚᐅᖅᓯᒪᔪᖅ. ᐃᓄᑐᐃᓐᓇᐅᓕᕌᖓᒥᓕ ᕼᐊᓚᓐ ᐱᓕᕆᔪᒻᒪᕆᐅᖃᑦᑕᖅᓯᒪᔪᖅ ᓄᓇᓕᖕᓂ. ᐱᓕᕆᐊᕆᔭᖓ ᑕᐅᑐᒐᖃᓪᓗᐊᑕᓚᐅᖅᑐᖅ ᐱᐅᓯᒋᐊᖅᑎᑦᑎᔪᒪᓂᕐᒥᑦ ᐃᑲᔪᖅᑐᐃᕙᖕᓂᕆᔭᐅᔪᓂᒃ ᐃᓚᒌᓄᑦ ᐊᕙᑎᑦᑎᓐᓄᓪᓗ ᐃᓱᒪᒋᔭᒃᓴᐅᕙᒃᑐᓄᑦ ᐅᑭᐅᖅᑕᖅᑐᒥ.
ᐲᑕ ᑕᖅᑐ ᐃᕐᓂᖅ
ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
2000-ᒥᑦ 2005-ᒧᑦ
ᐲᑕ ᑕᖅᑐ ᐃᕐᓂᖅ ᐊᐃᑉᐸᕆᓪᓗᓂᐅᒃ ᑲᒥᓯᓇᐅᓚᐅᖅᓯᒪᔪᖅ ᓄᓇᕗᒻᒥᐅᓄᑦ ᐄᐳᕈ 1, 2000-ᒥᑦ ᒫᔾᔨ 31, 2005-ᖑᕋᓱᖕᓂᖓᓄᑦ.
ᑲᒥᓯᓇᙳᓚᐅᖅᑳᕋᓂ, ᐲᑕ ᒥᓂᔅᑕᐅᑉ ᑐᒡᓕᕆᓚᐅᖅᓯᒪᔭᖓ ᓄᓇᕗᒻᒥ ᐃᓕᖅᑯᓯᓕᕆᔨᒃᑯᓐᓄᑦ 1998-ᒥᑦ 1999-ᒧᑦ. ᐃᖅᑲᓇᐃᔭᖃᑦᑕᕐᓂᓕᒫᒥᓂ ᐲᑕ ᑕᐅᑐᒐᖃᓪᓗᐊᑕᖃᖃᑦᑕᖅᓯᒪᕗᖅ ᓯᕗᒻᒧᐊᖅᐸᓪᓕᐊᑎᑦᑎᔪᒪᓪᓗᓂ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ, ᐅᖃᐅᓯᖏᓐᓂᒃ, ᑎᓕᐅᖅᐸᒃᖢᒋᓪᓗ ᐃᓄᐃᑦ ᐃᓚᐅᖃᑦᑕᖁᓪᓗᒋᑦ ᖁᑦᑎᒃᑐᒦᓐᓂᖅᓴᓄᑦ ᐃᖅᑲᓇᐃᔭᕐᓂᕐᓄᑦ, ᐃᓕᓐᓂᐊᕐᓂᕐᒧᑦ, ᓇᖕᒥᓂᖃᕐᓂᕐᒧᓪᓗ. ᑲᒥᓯᓇᒋᔭᐅᓂᕐᒥᓂ ᐃᒃᐱᒋᔭᐅᑦᑎᐊᖅᖢᓂ ᐅᖃᖅᑎᐅᖃᑦᑕᓚᐅᖅᐳᖅ ᐱᓕᕆᕙᒃᖢᓂ ᑕᒫᓂ ᓄᓇᑦᑎᓐᓂ, ᑲᓇᑕᓕᒫᒥ ᓄᓇᕐᔪᐊᓕᒫᒥᓗ ᐃᓄᓕᒫᑦ ᓄᓇᕗᒻᒥᐅᑦ ᐊᒃᑐᐊᖃᑦᑕᐅᑎᑦᑎᐊᖁᓪᓗᒋᒃ, ᐃᓕᖅᑯᓯᑐᖃᖏᓐᓄᑦ ᖃᓄᐃᓕᐅᖅᑕᐅᕙᓚᐅᖅᑐᓄᓪᓗ ᑕᒫᓂ.
ᐋᓐ ᒥᑭᔾᔪᑦ ᕼᐋᓐᓴᓐ
ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
2005-ᒥᑦ - 2010-ᒧᑦ
ᐋᓐ ᒥᑭᔾᔪᑦ ᕼᐋᓐᓴᓐ ᐱᖓᔪᒋᔭᐅᓪᓗᓂ ᑲᒥᓯᓇᒋᔭᐅᓚᐅᖅᑐᖅ ᓄᓇᕗᒻᒥᐅᓄᑦ ᐄᐳᕈ 21, 2005-ᒥᑦ ᐄᐳᕈ 20, 2010 ᑎᑭᖦᖢᒍ.
ᐋᓐ ᐃᖅᑲᓇᐃᔭᕐᓂᕆᖃᑦᑕᖅᑕᖏᑦ ᐊᔾᔨᒌᙱᕈᓘᔭᖃᑦᑕᖅᓯᒪᕗᑦ. ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᖃᑦᑕᖅᓯᒪᔪᖅ, ᓈᓚᐅᑎᒃᑯᑦ ᐅᖃᖅᑎᐅᖃᑦᑕᖅᓯᒪᔪᖅ, ᐱᕙᓪᓕᐊᔪᓕᕆᔨᐅᖃᑦᑕᖅᓯᒪᔪᖅ ᐅᖃᓕᒫᒐᓕᐅᖅᑎᐅᓪᓗᓂᓗ. ᐊᔪᙱᓐᓂᕆᑦᑎᐊᖅᑕᓂ ᐃᓄᒃᑎᑐᑦ ᐊᑐᖃᑦᑕᖅᓯᒪᕙᐅᒃ ᐃᖅᑲᓇᐃᔭᕐᕕᖃᕐᕕᒋᔭᓕᒫᒥᓂ. ᖄᒃᑲᓐᓂᐊᒍᑦ ᐃᖅᑲᓇᐃᔭᖃᑦᑕᖅᓯᒪᓂᖓᑕ ᐱᕙᓪᓕᐊᔪᓕᕆᓂᕐᒥ, ᐋᓐ ᐃᖅᑲᓇᐃᔭᓚᐅᖅᓯᒪᖕᒥᔪᖅ ᒐᕙᒪᒋᔭᐅᔪᒧᑦ ᓄᓇᑦᑎᐊᒥᐅᓄᑦ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᔨᐅᓪᓗᓂ, ᐅᖃᐅᔾᔪᐃᔨᐅᓪᓗᓂ ᑲᒥᓯᓇᐅᓪᓗ ᑐᒡᓕᕆᓚᐅᖅᓯᒪᓪᓗᓂᐅᒃ. 1964-ᖑᑎᓪᓗᒍ ᒐᕙᒪᑐᖃᒃᑯᓐᓄᑦ ᐃᓚᓕᐅᑎᓚᐅᖅᓯᒪᔪᖅ, ᐱᔨᑦᑎᖃᖅᐸᓚᐅᖅᑐᖅ ᑎᑎᕋᖅᑎᐅᓪᓗᓂ ᑐᓵᔨᐅᓪᓗᓂ/ᑐᑭᓕᐅᕆᔨᐅᓪᓗᓂ ᑎᑎᕋᕐᕕᖓᓄᑦ ᓄᓇᑦᑎᐊᒧᑦ ᐃᓚᒋᔭᐅᔫᑉ ᒪᓕᒐᓕᐅᕐᕕᒡᔪᐊᒥ ᐆᒪ, ᔩᓐ ᕆᐅᒻ.
ᐃᐊᑦᓇ ᐃᒃᕼᐃᕙᓚᒃ ᐃᓚᐃᔭᔅ
ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
2010-2015
ᐃᐊᑦᓇ ᐃᒃᕼᐃᕙᓚᒃ ᐃᓚᐃᔭᔅ ᐱᖓᔪᒋᔭᐅᓪᓗᓂ ᑲᒥᓯᓇᒋᔭᐅᓚᐅᖅᑐᖅ ᓄᓇᕗᒻᒥᐅᓄᑦ ᒪᐃ 2010 to ᒪᐃ 2015
ᐊᑯᓂ ᐃᖅᑲᓇᐃᔭᖅᓯᒪᓕᖅᑐᓂ, ᒥᔅ ᐃᓚᐃᐊᔅ ᐊᑦᓱᕉᑎᖃᖅᓯᒪᔪᖅ ᓴᖅᑭᔮᖅᑎᑦᓯᒐᓱᐊᕐᓂᕐᒧᑦ ᐃᓄᐃᑦ ᐃᓕᖅᑯᓯᖏᓐᓂᒃ. ᑲᒪᔨᐅᓚᐅᖅᑐᖅ ᐊᐅᓚᑕᐅᑎᓪᓗᒋᑦ ᓄᓇᖃᖅᑳᖅᑐᒥᓃᑦ ᐅᖃᐅᓰᓪᓗ ᐃᓕᓴᕆᔭᐅᓯᒪᔪᑦ ᐱᔨᑦᓯᕋᐅᑎᖏᑦ ᒐᕙᒪᒃᑯᓐᓄᑦ ᓄᓇᑦᓯᐊᕐᒥᓗ ᒪᓕᒐᓕᐅᖅᑎᖏᓐᓄᑦ, ᓴᖅᑮᓚᐅᖅᑐᖅ ᐃᐊᑦᒪᓐᑕᓐᒥ ᐃᓄᐃᑦ ᐃᓕᖅᑯᓯᓕᕆᓂᕐᒧᑦ ᑎᒥᖁᑎᖏᓐᓂᒃ ᓇᒻᒥᓂᖃᖅᑎᐅᓚᐅᖅᑐᓂᓗ ᑐᓵᔨᐅᓂᕐᒧᑦ ᑐᑭᓕᐅᖅᑎᐅᓂᕐᒧᓪᓗ ᖃᐅᔨᒪᔨᑕᐅᓂᕐᒧᓪᓗ.
ᐅᖃᐅᑦᓴᐃᑦ | ᑐᓴᕋᑦᓴᐃᑦ | ᑲᒥᓯᓇᐅᑉ ᐃᓕᓴᕐᓯᔾᔪᑎᖏᑦ | ᐊᔾᔨᓕᐅᕈᑎ
ᓇᓕ ᑯᓱᒐᖅ
ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
2015-2020
ᓇᓕ ᑯᓱᒐᖅ sᐱᖓᔪᒋᔭᐅᓪᓗᓂ ᑲᒥᓯᓇᒋᔭᐅᓚᐅᖅᑐᖅ ᓄᓇᕗᒻᒥᐅᓄᑦ ᒪᐃ 2015 to ᒪᐃ 2020
ᖄᒃᑲᓐᓂᖓᒍᑦ ᐃᒃᓯᕙᐅᑕᐅᖃᑕᐅᓂᕐᒧᑦ ᓄᓇᕗᒻᒥ ᐃᓕᓐᓂᐊᖅᑎᑦᓯᔨᑦᓴᓄᑦ ᐃᓕᓐᓂᐊᕈᑎᒥᒃ ᕿᒥᕐᕈᐃᔨᓄᑦ 2006-ᒥ, ᐃᓚᒋᔭᐅᖃᑕᐅᔪᖅ ᐊᔾᔨᒌᙱᑦᑐᓄᑦ ᖃᐅᔨᒪᔨᑕᐃᑦ ᑲᑐᔾᔨᖃᑎᒌᖏᓐᓄᑦ ᓲᕐᓗ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ, ᐅᖃᐅᓯᓕᕆᓂᕐᒧᑦ ᑲᑎᒪᔨᕋᓛᓄᑦ, ᓄᓇᕗᒻᒥ ᐃᓕᓐᓂᐊᖅᑎᑦᓯᔩᑦ ᑲᑐᔾᔨᖃᑎᒌᖏᓐᓄᑦ, ᓄᓇᑦᓯᐊᕐᒥ ᐃᓕᓐᓂᐊᖅᑎᑦᓯᔩᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᐃᓕᓐᓂᐊᖅᐸᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᓄᑦ, ᒫᓂ ᐅᓗᔪᒃ ᐃᓕᓐᓂᐊᕐᕕᒃ, ᑲᖏᖅᖠᓂᕐᒥ.
ᐅᖃᐅᑦᓴᐃᑦ | ᑐᓴᕋᑦᓴᐃᑦ | ᑲᒥᓯᓇᐅᑉ ᐃᓕᓴᕐᓯᔾᔪᑎᖏᑦ | ᐊᔾᔨᓕᐅᕈᑎ